Elimizde kúndelik janryda jańa qoıylymdar kórermenge jol tartpaq
NUR-SULTAN. QazAqparat - ÓzgeEpic zamanaýı óner keńistiginiń jańa jobasy Kundelik project 2020 kúzinde alǵash júzege asa bastady, dep habarlaıdy QazAqparat.
Joba kontseptsııasy boıynsha spektaklder adamnyń jeke kúndeligi negizinde qoıylady. Ár qoıylymnyń keıipkeri, formaty, oryndalýy ártúrli bolmaq.
Kundelik PROJECT-tiń alǵashqy keıipkeri — Asanáli Áshimov. Akterdiń jeke kúndeligi negizinde qoı̆ylǵan aýdıospektakl. Kúndelik janry adamnyń ishki dúnıesin, tek ózine ǵana tıesili jeke ómirin qamtıtyndyqtan, uıymdastyrýshylar qoıylymdy kópshilik qaýym aldynda emes adammen jeke syrlasý formatyn oılap tapty. Qoı̆ylymdy bir ýaqytta tek bir kórermen tamashalaı̆dy.
ÓzgeEpic – qoǵamǵa óner arqyly ózgeris ákeletin shyǵarmashylyq keńistik. Qazirgi tańda keńistik tórt baǵyt boıynsha jumys jasaýda: ÓzgeMusic, ÓzgeKino, ÓzgeKórme, ÓzgeTeatr. Jaqyn bolashaqta zamanaýı ónerdiń barlyq salalaryn qamtyp, úlken transformatsııalyq alańǵa aınaldyrý josparlanýda.
