Elimizde kún jylynyp, sýdyń deńgeıi kóteriledi - Qazgıdromet
ASTANA. QazAqparat - Qazaqstanda aýa temperatýrasy kóterilip, jaýyn-shashyn túsýi múmkin. Bul týraly «QazAqparat» HAA Qazgıdrometke silteme jasap habarlaıdy.
«4-6 naýryzda Almaty, Jambyl, Ońtústik Qazaqstan, Qyzylorda oblystarynda jaýyn-shashyn bolýy yqtımal, keı jerlerde qatty jaýǵan jaýynnan qar men muz jamylǵysy erip, ózen arnalary kóteriledi, sondaı-aq jazyq jerlerde tasyǵan sý jınalýy, sý deńgeıi kóterilýi múmkin.
Jerdi qashyqtyqtan zondtaý (JQZ) sýretteri boıynsha Almaty oblysynda (54%), Jambyl (27%), Ońtústik Qazaqstan (14%), Qyzylorda (66%), Atyraý (55%), Batys Qazaqstan, Aqmola, Soltústik Qazaqstan, Pavlodar, Qaraǵandy oblystarynda 99%, Shyǵys Qazaqstanda (92%) oblystarynda qar jamylǵysy jatyr», - delingen habarlamada.
Osylaısha, 4-5 naýryzda Atyraý men Batys Qazaqstan oblystarynda kúndizgi aýa temperatýrasy +5 gradýsqa ýaqytsha kóterilip, qar men jańbyr jaýady dep kútilýde.
6-7 naýryzda Qaraǵandy, Aqmola, Soltústik Qazaqstan, Pavlodar oblystarynda aýa temperatýrasy kúndiz ýaqytsha +5 gradýsqa, Shyǵys Qazaqstan oblysynda +3+8 gradýsqa deıin joǵarylaıdy. Osyǵan baılanysty, qar erip, muz jamylǵysy jibip, ózen arnalary kóterilip, jazyq jerlerde tasyǵan sý jınalýy múmkin. Sý deńgeıi kóterilip, jaıylymdyq ýchaskelerge taralýy múmkin.
