Elimizde kún saıyn 342 adam turmystyq zorlyq-zombylyqqa ushyraıdy
Sońǵy ýaqytta qoǵamnyń nazaryn aýdaryp, ata-analar qaýymyn tolǵandyrǵan ózekti máseleniń biri balalarǵa qatysty zorlyq-zombylyq faktileriniń kóbeıýi bolyp otyr. Sondyqtan kámeletke tolmaǵandarǵa qatysty quqyq buzýshylyq jaıy kún tártibinde tur. Túrkistan qalasynda ótken «Qazaqstandaǵy balalarǵa qatysty zorlyq-zombylyqtyń aldyn alý» taqyrybyndaǵy dóńgelek ústelge qatysýshylar pikirin aıtyp, qoǵamdaǵy ózekti máselelerdi qozǵady. Bala quqyqtary jónindegi ýákil Dınara Zakıeva Qazaqstanda kún saıyn 6 balaǵa qatysty qylmys jasalatynyn jetkizdi.
«1-2 bala kún saıyn óz-ózine qol jumsaıdy nemese jumsaýǵa tyrysady. Kún saıyn 342 adam turmystyq zorlyq- zombylyqqa ushyraıdy. Balalar arasynda 1 kúnde 5 qylmys jasalady. Býllıng máselesi de ózekti. Jylyna 150 bala terezeden qulaıdy nemese lıýkterge qulap ketip jatyr», -dedi ol.
Sondaı-aq Dınara Zakıeva bala tárbıesimen aınalysatyn kadrlardyń da tapshy ekenin jetkizdi.
«Kadrlarǵa, mamandarǵa qatysty úlken másele bar. Mysaly, qazir 3 000 mektepte áleýmettik pedagog joq, bir mektepte 1 psıhologqa 1 500 baladan keledi. Elimizde 6,5 mln balaǵa 300 opeka mamandary jumys istep jatyr, IDN qyzmetkerleriniń sany da jetispeıdi», - dedi ol.
Aıta keteıik, Túrkistan qalasynda «Qazaqstandaǵy balalarǵa qatysty zorlyq-zombylyqtyń aldyn alý» taqyrybynda dóńgelek ústel ótip jatyr.
