Elimizde kún saıyn 1 mln maska, 85 myń lıtr dezınfektsııalyq qural óndiriledi

NUR-SULTAN. QazAqparat - QR Indýstrııa jáne ınfraqurylymdyq damý mınıstri mindetin atqarýshy Qaıyrbek Óskenbaev Qazaqstandaǵy medıtsınalyq maska men dezınfektsııalyq qural óndirisin baıandady, dep habarlaıdy QazAqparat.

«Medıtsınalyq betperdelerdiń táýliktik óndirisin 1 mln danaǵa jetkizdik. Atap aıtqanda, kún saıyn farmatsevtıkalyq kásiporyndar – 325 myń dana, tigin kásiporyndary – 680 myń dana maska tigedi. Farmatsevtıkalyq kásiporyndar ónimi «SQ-Farmatsııa» JShS arqyly taratylady. Al tigin kásiporyndarynyń 680 myń maskany jergilikti ákimshilikter ózderi taratady», - dedi Q. Óskenbaev Ortalyq kommýnıkatsııalar qyzmetinde ótken brıfıngte.

Sondaı-aq, elimizde kún saıyn 85 180 lıtrden astam dezınfektsııalyq qural shyǵarylady.

«Qazirgi ýaqytta qoımalarda 158 380 lıtr dezınfektsııalyq qural bar. Dárihana jelilerin, kósheler men úı-jaılardy dezınfektsııalaý úshin 65 109 lıtri tıelgen. ıAǵnı, bizdiń ishki zaýyttarda dezınfektsııalyq qural tolyq shyǵarylady. Qansha kólemde dezınfektsııalyq qural kerek bolsa, sonshalyqty shyǵarýǵa múmkindigimiz bar», - dedi vedomstvo ókili.