Elimizde quqyqqa qaıshy kontentter men kópe-kórineý jalǵan aqparat arasy naqty belgilenbegen - I.Brattsev

Onyń aıtýynsha, osy eki uǵymnyń ara-jigi naqty belgilenýi tıis. «Elimizde «Baılanys týraly» zańǵa ózgertýler engizilgeni belgili. Ol Qazaqstandaǵy aqparattyq keńistikti retteýge baǵyttalǵan. Biraq menińshe, bular tek aldyn alý sharalary sekildi. Mysaly, bolashaqta sotsyz, tergeýsiz, birneshe saǵat ishinde belgili bir resýrstar oqshaýlanýy yqtımal. Onyń ne úshin jabylǵandyǵy týraly tolyq málimetterdi tek artynan ǵana bilýge bolady. Sonymen qatar, Qylmystyq Kodekske de ózgerister engizildi. Endi kópe-kórineý jalǵan aqparat taratqan adam 10 jylǵa deıin bas bostandyǵynan aırylady. Bul jerde jeke pikirler de kópe-kórineý jalǵan aqparat bolyp sanalýy múmkin. Bul menińshe óte qatań jaza» - dedi óz sózinde Igor Brattsev. Sonymen qatar búgingi forýmda Qazaqstanda ǵalamtordyń qarqyndy damyp jatqandy sóz boldy. Ǵalamtordy paıdalanýshylar sanynyń óskendigi uıaly operatorlarǵa da jańa qyzmetti ıgerýge septigin tıgizýde. «Ǵalamtor búginde biz úshin eń qyzyqty bıznes kózine aınaldy, - dedi óz sózinde osy forýmnyń basty seriktesi «KaR-Tel» JShS korporatıvtik kommýnıkatsııa qyzmetiniń dırektory Alekseı Bendz - Óıtkeni daýystyq qyzmetter burynǵydaı tabys ákelmeıdi. Qazir ǵalamtordy paıdalaný Qazaqstanda bir jylda eki esege deıin ósip jatyr. Sondyqtan biz ǵalamtordyń adamdar úshin taptyrmaıtyn kómekshige aınalýyna múddelimiz. Árıne, kez kelgen progressıvtik bastamalar adamdarǵa jańa múmkindikter syılaıdy. Sondaı-aq olarǵa qatysty ár túrli táýekelder, qaýip-qaterler qatar júretini tabıǵı nárse. Ǵalamtor da avtokólik sekildi. Avtokóliktiń adam ómirinde alatyn orny zor. Adamdar sonyń arqasynda ýaqytyn únemdeıdi, otbasyn asyraıdy. Al basqa jaǵynan alyp qaraǵanda, elimizde jol apatynan qanshama adam opat bolyp jatyr. Sondyqtan ǵalamtor paıdanalýshylary da birinshi kezekte qaýipsizdik máselesin eskerýleri qajet. Vırýstar bolmas úshin, balalar jaǵymsyz saıttarǵa kirmes úshin tıisti baǵdarlamalar ornatý qajet». Esterińizge sala keteıik, forým eki kúnge sozylady. Búgin qatysýshylar Ortalyq Azııa elderinde Internettiń damýy barysy talqylanady. Oǵan memlekettik organdar men Úkimettik emes uıymdar ókilderi, akademııalyq orta men bıznes dıplomattar ókilderi, ınternet-belsendiler, jýrnalıster, zańgerler jáne sheteldik ınternet-sarapshylar qatysty. Sonymen qatar, forýmǵa Ortalyq Azııanyń 5 elinen - Reseıden, Ýkraınadan, Lıtva, Belarýs elderinen sarapshylar qatysýda. Aıta keteıik, shara Astanadaǵy EQYU Ortalyǵynyń jáne Qazaqstandaǵy Konrad Adenaýer atyndaǵy qor ókildiginiń demeýshiligimen uıymdastyrylyp otyr. Forýmnyń búgingi jıyny osymen aıaqtaldy. Erteńgi jıyn barysynda ınternettegi sóz bostandyǵy, ınternettegi áleýmettik jobalar jáne ınternette ımıdj qalyptastyrý joldary sóz bolady.