Elimizde QR-nyń qurylys tehnıkalyq reglamenti ázirlenetin bolady

Bul týraly búgin selektorlyq formattaǵy Úkimet otyrysynda QR Qurylys isteri jáne turǵyn úı kommýnaldyq sharýashylyq agenttiginiń tóraǵasy Serik Nokın málim etti, dep habarlaıdy QazAqparat.

«Reformalaýdyń álemdik tájirıbesi qurylys salasyndaǵy tehnıkalyq retteý júıesiniń barlyq komponentterin, atap aıtqanda normatıvtik bazany, qadaǵalaý jáne baqylaý júıesin, sáıkestikti baǵalaý júıesin bir mezgilde reformalaý qajettigin kórsetip berdi. Tek osy jaǵdaıda ǵana reforma tabysty bola alady. Birinshi komponent - normatıvtik baza boıynsha reformanyń basty maqsaty normalaýdyń parametrıkalyq tásiline birtindep kóshý bolyp tabylady. Ozyq elderdiń tájirıbesi boıynsha sapaly jańa qujat - Qazaqstan Respýblıkasynyń qurylys tehnıkalyq reglamenti ázirlenetin bolady. Úkimet bekitetin bul qujat qurylys salasynyń tehnıkalyq konstıtýtsııasy bolýy tıis», dedi otyrysta S. Nokın.

Onyń aıtýynsha, Qazaqstan Respýblıkasynyń qurylys tehnıkalyq reglamenti normatıvtik járdemaqylardyń, maquldanǵan normalar men standarttardyń quramdaýyshtarymen jabdyqtalmaq. Sondaı-aq sheteldik modeldik qujattardy satyp alý josparlanyp otyr. Bul Qazaqstanda tikeleı qoldaný úshin paıdalana alatyn úzdik erejelerdi aıqyndaýǵa múmkindik beredi.