Elimizde korporatıvtik seriktestikterdiń qaryzyn óndirýmen aınalysatyn «ıÝSB Kollektor Qazaqstan» birlesken kompanııasy quryldy
ALMATY. Naýryzdyń 2-i. QazAqparat /Ádilet Musahaev/ - Halyqaralyq ıÝSB ortalyǵy kollektorlyq agenttigi (KA) 2010 jyldyń 1-shi naýryzynan bastap qazaqstandyq áriptesterimen birge «ıÝSB Kollektor Qazaqstan» birlesken kompanııasyn qurý arqyly Qazaqstan naryǵyna shyqqanyn málim etti,
dep habarlaıdy QazAqparat.
«ıÝSB Ortalyǵy» KA dırektorlar keńesiniń tóraǵasy Aleksandr Fedorovtyń aıtýynsha, búgingi tańǵa deıin Qazaqstanda naǵyz korporatıvtik kollektorlyq qyzmetpen, ıaǵnı zańdy tulǵalardan qaryzdy óndirýmen aınalysatyn birde-bir kompanııa bolmaǵan. «Korporatıvtik kollektorlyq qyzmettiń maqsaty - adal jumys isteıtin kompanııalardyń múddesin alaıaq kompanııalardan qorǵaý tıimdiligin arttyrý. Qazirgi kezde Qazaqstannyń korporatıvtik sektorlary sapaly qyzmetke zárý. Sońǵy kezde bizge Qazaqstanda jumys isteıtin halyqaralyq iri kompanııalar jıi habarlasady. Reseıdegi jaǵdaılardy eskere otyryp, korporatıvtik qaryzdardy óndirý tájirıbesi Qazaqstannyń bıznes ortasyna atalǵan máseleni biliktilikpen sheshýge kómektesip qana qoımaı, korporatıvtik qaryz jınaýdyń jańa tehnologııalaryn qoldanysqa engizedi», deıdi A.Fedorov.
Búgingi kúni «ıÝSB Kollektor Qazaqstan» respýblıkadaǵy korporatıvtik qaryz naryǵy kem degende 1 mıllıard dollardy quraıdy degen boljam jasap, onyń 60-70 paıyzy - zańdy tulǵalardyń bankter aldyndaǵy qaryzy bolǵanyn aıtady.
«ıÝSB Kollektor Qazaqstan» KA-nyń basqarýshy dırektory ári quryltaıshysy Danııar Tólenovtyń aıtýynsha, Qazaqstanda atalmysh qyzmetti paıdalaný kórsetkishi tómen. «Elimizdegi KA-diń basym bóligi jeke tulǵalardan qaryz óndirýmen aınalysady. Al, korporatıvtik bereshekterdi óndirý múldem ózgeshe tásilder men tehnologııalardy qajet etedi. Jumys barysynda biz jańa tehnologııalar men tásilderdi paıdalanbaqpyz», deıdi dırektor.
