Elimizde koronavırýstyń ekinshi tolqyny bolýy múmkin be
NUR-SULTAN. QazAqparat – Epıdemııa bastalǵaly jansaqtaý bóliminen 69 syrqat emdelip shyǵarylǵan. Bul týraly Ortalyq kommýnıkatsııalar qyzmetinde ótken eldegi koronavırýstyq ınfektsııa boıynsha aǵymdaǵy jaǵdaı, sonymen qatar Qazaqstandaǵy vaktsınalardyń sapasy men satyp alýlary týraly brıfıngte aıtyldy, dep habarlaıdy QazAqparat tilshisi.
«Bul jańa vırýs, jańa epıdemııa bolǵannan keıin onyń ekinshi tolqyny bolatyn-bolmaıtynyn aıtý, boljaý óte qıyn. Biz birtindep, baqylap kórýimiz kerek. Keıbir memlekette aýyrǵandar sany ósýi qaıta baıqalyp jatyr. Sony boldyrmaý úshin karantın sharalaryn durys saqtaýymyz kerek», - deıdi QR DSM Taýarlar men kórsetiletin qyzmetterdiń sapasy men qaýipsizdigin baqylaý komıtetiniń tóraǵasy Tımýr Sultanǵazıev.
Onyń aıtýynsha, elimizde epıdemııa bastalǵaly beri 16 naýqas ókpeni jasandy jeldetý apparatynan emdelip shyqqan.
«Qazirgi ýaqytta 7 syrqat jasandy tynyl alý apparatymen jatyr. Jalpy alǵanda, epıdemııa bastalǵaly jansaqtaý bóliminen 69 syrqat emdelip shyqty», - deıdi ol.
