Elimizde koronavırýspen aýyrǵan 671 adamnyń jaǵdaıy aýyr

NUR-SULTAN. QazAqparat – Qazaqstanda koronavırýspen aýyrǵan 671 adamnyń jaǵdaıy aýyr, dep habarlaıdy QazAqparat QR Densaýlyq saqtaý mınıstrliginiń baspasóz qyzmetine silteme jasap.

21 sáýirdegi málimet boıynsha, 39 318 adam koronavırýs ınfektsııasynan (38 889 KVI+ jáne 429 KVI-) emdelýde, olardyń ishinde 13 756 patsıent statsıonarda, 25 572 naýqas ambýlatorııalyq deńgeıde em qabyldaýda.

KVI+, KVI- shaldyqqandardyń arasynda:
• 671 adamnyń jaǵdaıy aýyr;
• 185 patsıenttiń jaǵdaıy óte aýyr;
• 101 naýqas ÓJJ apparatynda jatyr.
COVID-19 belgileri bar pnevmonııamen syrqattanýshylarǵa qatysty 19 sáýirdegi málimet boıynsha 135 jańa jaǵdaı tirkeldi, 3 jaǵdaı ólimmen aıaqtalǵan. 66 adam jazylyp shyqqan. 2020 jyldyń 1 tamyzynan bastap barlyq naýqastar sany – 52 025, 757 adam ólim tirkelgen, 50 839 adam saýyǵyp ketken.