Elimizde koronavırýspen aýyrǵan 565 naýqastyń jaǵdaıy aýyr
NUR-SULTAN. QazAqparat – Elimizde koronavırýspen aýyrǵan 565 naýqastyń jaǵdaıy aýyr, dep habarlaıdy QazAqparat Densaýlyq saqtaý mınıstrligine silteme jasap.
«Qazaqstanda 5 maýsymdaǵy málimet boıynsha 24 689 adam koronavırýs ınfektsııasynan (23 867 KVI+ jáne 822 KVI-) emdelýde, olardyń ishinde 8 684 patsıent statsıonarda jatyr,
16 005 naýqas ambýlatorııada emdelip júr.
KVI+, KVI- shaldyqqandardyń arasynda:
565 adamnyń jaǵdaıy aýyr,
114 patsıenttiń jaǵdaıy óte aýyr,
75 naýqas ÓJJ apparatynda jatyr», delingen habarlamada.
