Elimizde koronavırýspen aýyrǵan 25,6 myń patsıent statsıonarda jatyr
NUR-SULTAN. QazAqparat – Qazaqstanda koronavırýs ınfektsııasyna shaldyqqandar týraly 28 tamyzdaǵy aqparat jarııalandy, dep habarlaıdy QazAqparat Densaýlyq saqtaý mınıstrligine silteme jasap.
«28 tamyzdaǵy málimet boıynsha, 114 764 adam koronavırýs ınfektsııasynan (–108 064 + jáne 6 700 KVI-) emdelýde, olardyń ishinde 25 694 patsıent statsıonarda jatyr, 89 070 naýqas ambýlatorııalyq deńgeıde em qabyldap júr. KVI+, KVI- shaldyqqandardyń arasynda: 1 810 adamnyń jaǵdaıy aýyr, 506 patsıenttiń jaǵdaıy óte aýyr, 308 naýqas ÓJJ apparatynda jatyr», delingen habarlamada.
