Elimizde koronavırýspen aýyrǵan 23 adam kóz jumdy
NUR-SULTAN. QazAqparat - QR Densaýlyq saqtaý mınıstrligi koronavırýsqa qatysty sońǵy tirkelgen qaıǵyly jaǵdaılarǵa qatysty málimetti jarııalady, dep habarlaıdy QazAqparat.
17 sáýirde koronavırýstan 23 naýqas kóz jumǵan. Onyń 22 KVI+, bir adam COVID-19 belgileri bar pnevmonııadan qaıtys boldy.
Nur-Sultanda 2 adam, Almatyda 6 adam, Aqtóbe oblysynda 1 adam, Almaty oblysynda 4 adam, Atyraý oblysynda 2 adam, Jambyl oblysynda 1 adam, Batys Qazaqstan oblysynda 3 adam, Qaraǵandy oblysynda 1 adam, Qyzylorda oblysynda 2 adam, Pavlodar oblysynda 1 adam koronavırýstan qaıtys bolǵan.
Eske sala ketsek, elimizdiń óńirlerindegi epıdemıologııalyq jaǵdaıdy baǵalaý matrıtsasyna sáıkes Aqmola oblysy «qyzyl aımaqtan» shyǵyp «sary aımaqqa» ótti.
