Elimizde koronavırýspen aýyrǵan 1 myńnan astam adamnyń jaǵdaıy aýyr
NUR-SULTAN. QazAqparat – Elimizde koronavırýspen aýyrǵan 1 064 adamnyń jaǵdaıy aýyr, dep habarlaıdy QazAqparat Densaýlyq saqtaý mınıstrliginiń baspasóz qyzmetine silteme jasap.
«Qazaqstanda koronavırýs ınfektsııasyna shaldyqqandar týraly 17 qyrkúıektegi málimet boıynsha 72 789 adam koronavırýs ınfektsııasynan (64 262 KVI+ jáne 8 527 KVI-) emdelýde, olardyń ishinde 13 610 patsıent statsıonarda jatyr, 59 179 naýqas ambýlatorııada emdelip júr», delingen habarlamada.
KVI+, KVI- shaldyqqandardyń arasynda: 1 064 adamnyń jaǵdaıy aýyr, 317 patsıenttiń jaǵdaıy óte aýyr, 192 naýqas ÓJJ apparatynda jatyr.
