Elimizde koronavırýsqa shaldyqqan 40 naýqastyń jaǵdaıy aýyr
NUR-SULTAN. QazAqparat - COVID-19 taralýyna jol bermeý jónindegi vedomstvoaralyq komıssııa ınfektsııaǵa shaldyqqan naýqastar týraly málimet usyndy, dep habarlaıdy QazAqparat.
30 shildedegi málimet boıynsha, el óńirlerinde koronavırýstan 25 396 adam (–25 175+ jáne 221 KVI-) emdelip jatyr. Onyń ishinde 1 527 patsıent statsıonarda, 23 869 naýqas ambýlatorııalyq deńgeıde em qabyldaýda.
KVI+ (koronavırýs), KVI- (koronavırýs ınfektsııasynyń belgileri bar pnevmonııa) shaldyqqandardyń arasynda:
- 40 adamnyń jaǵdaıy aýyr,
- 14 patsıenttiń jaǵdaıy óte aýyr,
- 5 naýqas ókpeni jasandy jeldetý apparatyna qosylǵan.
