Elimizde koronavırýsqa qatysty ahýal kúrdelene tústi

NUR-SULTAN. QazAqparat – Almaty «qyzyl» aımaqqa qaıta kirýi múmkin. Bul týraly Úkimettiń keńeıtilgen otyrysynda Memleket basshysy Qasym-Jomart Toqaev aıtty, dep habarlaıdy QazAqparat tilshisi.

«Dúnıejúzilik densaýlyq saqtaý uıymynyń málimeti boıynsha koronavırýs juqtyrǵandar kóbeıip keledi. Sońǵy eki aptada naýqastardyń sany 30 paıyzǵa artqan. Bizdiń elde de ahýal kúrdelene tústi. Almaty «qyzyl» aımaqqa qaıta kirýi múmkin. Negizgi sebep – turǵyndar men dárigerlerdiń qaýipsizdik sharalaryn saqtamaýy», - dedi Qasym-Jomart Toqaev.

Memleket basshysy mekemearalyq komıssııanyń jumysyn kúsheıtý qajettigin basa aıtty.

«Sondaı-aq, revaktsınatsııa naýqanyn jandandyrǵan jón. Bul jumysta eshqandaı asyra silteý bolmaýy kerek. Shaǵyn jáne orta bıznestiń múddesin eskergen abzal», - dedi Qazaqstan Prezıdenti.