Elimizde koronavırýs juqtyrǵan 509 adamnyń jaǵdaıy aýyr
«Densaýlyq saqtaý mınıstrliginiń medıa ortalyǵyna túsken resmı statıstıkaǵa sáıkes, Qazaqstanda osy jyldyń 13 naýryzynan bastap búgingi kúnge deıin koronavırýstyq ınfektsııamen 103 033 adam aýyrdy. Jazylyp shyqqan naýqastardyń sany 87 777-ge jetti nemese jalpy kórsetkish 80,3 paıyzdy qurady. Ókinishke qaraı, 1 415 adam qaıtys boldy», - dedi ol Ortalyq kommýnıkatsııalar qyzmetindegi brıfıng barysynda.
Onyń atap ótýinshe, sońǵy bir táýlikte 1 219 adam jazylyp shyqty. 18 841 adam em qabyldaýyn jalǵastyryp jatyr. Onyń ishinde 99 bala bar. 3 279 adam statsıonarlyq, 15 562 adam ambýatorlyq jaǵdaıda emdelýde.
«Emdelip jatqan naýqastardyń 3 paıyzynyń nemese 509 adamynyń densaýlyǵy aýyr jáne óte aýyr dep baǵalanyp otyr. Atap aıtqanda, 406 adamnyń jaǵdaıy aýyr jáne 103 adamnyń densaýlyǵy óte nashar. 72 naýqas jasandy tynys aýlý apparatyna qosylǵan», - dedi Baǵdat Qojahmetov.