Elimizde koronavırýs juqtyrǵan 306 adam aýyr jaǵdaıda jatyr

NUR-SULTAN. QazAqparat – Elimizde koronavırýs juqtyrǵan 306 adamnyń jaǵdaıy nashar bolsa, onyń ishindegi 41 naýqastyń ahýaly óte aýyr, dep habarlaıdy QazAqparat tilshisi.

«Qazirgi ýaqytta aýyr jaǵdaıdaǵy naýqastarymyz jansaqtaý men anestezıologııa bóliminde emdelip jatyr. Olardyń sany – 306 adam. Aýyr jaǵdaıda 265 syrqat, óte aýyr jaǵdaıdaǵy 41 naýqas bar. Ókpeni jasandy jeldetý apparatyna qosylǵan 67 naýqas (koronavırýs juqtyrǵan) em qabyldaýda. Invozıvti emes ókpeni jasandy jeldetý apparatynda 133 syrqat jatyr. Ózinshe demalatyn oksıgenoterapııa alyp jatqan syrqattardyń sany – 106. Óz betinshe demalatyn naýqastardyń sany – 9265 naýqas», - dedi QR DSM Taýarlar men kórsetiletin qyzmetterdiń sapasy men qaýipsizdigin baqylaý komıtetiniń tóraǵasy Tımýr Sultanǵazıev OKQ-da ótken baspasóz máslıhatynda.

Komıtet tóraǵasy sonymen qatar tilshilerdiń suraqtaryna jaýap bere otyryp, osy jarty jyldyqta Qazaqstanda pnevmonııamen 98 myń adam syrqattanǵanyn aıtyp ótti.

«Ótken jylmen salystyrǵanda ósim 50 paıyzdan joǵary», - dedi ol.