Elimizde koronavırýs juqtyrǵan 246 naýqastyń jaǵdaıy aýyr - DSM
«10 tamyzdaǵy aqparatqa sáıkes koronavırýs ınfektsııasynan 25 650 adam emdelip jatyr. Olardyń arasynda 105 bala bar. Statsıonarlarda 4 713 naýqas jatyr. 20 937 adam ambýlatorııalyq jaǵdaıda emdelýde.
Jalpy naýqastardyń arasynda 246 adamnyń ahýaly nashar. Sonyń ishinde 69 naýqastyń jaǵdaıy asa aýyr dep baǵalanýda. 70 naýqas ókpeni jasandy jeldetý apparatyna qosylǵan», delingen habarlamada.
QR Densaýlyq saqtaý mınıstrligi budan bylaı kún saıynǵy nátıje týraly aqparatty kún saıyn únemi úzbeı jarııalap otyrady.
«Barlyq málimet resmı saıtta jáne vedmostvanyń áleýmettik jelidegi paraqshalary arqyly taratylady. Atap aıtqanda, naýqastardyń jalpy sany jóninde, qaıtys bolý derekteri týraly jáne de qoǵam úshin mańyzdy ahýaldyń barlyǵy resmı aqparat taratý kózderinde jedel jarııalanyp turady. Al, aımaqtardaǵy ahýal týraly aqparatty apta saıyn Densaýlyq saqtaý mınıstrliginiń resmı ókili arnaıy brıfıngte habarlanady», delingen habarlamada.