Elimizde koronavırýs pen ózge aýrýlardan bolǵan ólim-jitimniń statıstıkasy bólek júrgiziledi

NUR-SULTAN. QazAqparat - Qazaqstanda koronavırýs ınfektsııasy men ózge de aýrýlardan bolatyn ólim-jitimniń statıstıkasy bólek júrgiziledi, dep habarlaıdy QazAqparat Memkomıssııanyń shuǵyl shtabyna silteme jasap.

Eger naýqastar ınsýlttan nemese basqa da aýyr aýrýlardan qaıtys bolsa, alaıda oǵan qosa COVID-19 vırýsy anyqtalsa, onda bul jaǵdaı koronavırýs ınfektsııasynan bolǵan ólim-jitim statıstıkasyna tirkelmeıdi.

«Qazirgi ýaqytta elimizde osyndaı 25 jaǵdaı anyqtaldy. Naýqas óliminiń árbir faktisi jeke zertteledi jáne barlyq faktorlar eskerilgennen keıin sheshim shyǵarylady» delingen habarlamada.