Elimizde koronavırýs matrıtsasy jańa tártippen aıqyndaldy
«Búginnen bastap Densaýlyq saqtaý mınıstrligi epıdemıologııalyq jaǵdaıdy baǵalaý matrıtsasyn ózektendirdi. Onda 7 kún ishinde indet juqtyrýdyń ortasha táýliktik kórsetkishi 100 myń adamǵa shaqqanda aýrýhanaǵa jatqyzylǵandardyń táýliktik kórsetkishine kóshý talabyna aýystyryldy», - dedi A. Ǵınııat Ortalyq kommýnıkatsııalar qyzmetinde.
Onyń aıtýynsha, atalǵan kórsetkishti qaıta qarastyrý jumysyna densaýlyq saqtaý salasynyń mamandary men Dúnıejúzilik densaýlyq saqtaý uıymynyń sarapshylary qatysty.
«Bul turǵyda matrıtsada Dúnıejúzilik densaýlyq saqtaý uıymynyń epıdemıologııalyq ahýaldy baǵalaýǵa qatysty usynystary eskerildi. Bul rette ınfektsııalyq statsıonarlarǵa jatqyzylǵan naýqastardyń úlesi, halyqtyń vaktsınamen qamtý deńgeıi, koronavırýstyń taralý kórsetkishteri nazarǵa alyndy», - dedi mınıstr.
Osy oraıda «jasyl» aımaq myna tártipte aıqandalady:
1. Reprodýktıvti R sany kórsetkishine qaramastan, 2,5 myńǵa deıin naýqas aýrýhaǵa jatqyzylǵan kezde.
2. 5 000-ǵa deıin naýqas aýrýhanaǵa jatqyzylsa jáne reprodýktıvti R sany 1-den tómen bolsa.
«Sary» aımaq:
1. 5 000-ǵa deıin naýqas aýrýhanaǵa jatqyzylsa jáne reprodýktıvti R sany 1-den artyq bolsa.
2. 5000-nan 10 000-ǵa deıin naýqas aýrýhanaǵa jatqyzylsa jáne reprodýktıvti R sany 1-den tómen bolsa.
«Qyzyl aımaq:
1. 5000-nan astam naýqas aýrýhanaǵa jatqyzylsa jáne reprodýktıvti R sany 1-den artyq bolsa.
2. Reprodýktıvti R sany kórsetkishine qaramastan, 10 000-nan astam naýqas aýrýhaǵa jatqyzylǵan kezde.
Qazirgi kezde indet juqtarǵandardyń 90 paıyzǵa jýyǵy ambýlatorlyq tártipte em qabyldap jatyr.
