Elimizde kontrafaktilik ónim salasynda 77 mln teńgege zań buzýshylyq anyqtaldy
NUR-SULTAN. QazAqparat – QR Ádilet mınıstrligi zańsyz taýar aınalymy salasyna tekserý júrgizdi. Nátıjesinde kontrafaktilik ónim salasynda 77 mln teńgege zań buzýshylyq anyqtaldy. Bul týraly «Kazpatent» dırektory Erbol Ospanov málim etti, dep habarlaıdy QazAqparat tilshisi.
«Intellektýaldy menshik quqyǵyn qorǵaý salasyndaǵy memlekettik saıasaıatty QR Ádilet mınıstrligi júrgizedi. Mınıstrlik sońǵy 5 jylda 900-den astam tekserý jumystaryn ótkizdi. Nátıjesinde kontrafaktilik ónim salasynda 77 mln teńgege zań buzýshylyq anyqtaldy. Osy oraıda Ádilet mınıstrligi quqyqtyq nasıhattaý mindetin atqarady. Quzyrly memlekettik organdar, ákimdikter jáne memlekettik emes uıymdardyń qatysýymen atalǵan sala boıynsha aýqymdy is atqarylyp jatyr. Sońǵy 2 jyl ishinde 1 myńnan astam túrli baǵyttaǵy is-sharalar uıymdastyryldy», - dedi Erbol Ospanov OKQ-de ótken baspasóz máslıhatynda.
Onyń aıtýynsha, kontrafaktilik taýar aınalymynyń jolyn kesýge qatysty halyq arasynda túsindirý sharalary ótip turady.
Buǵan deıin Qazaqstanǵa 30 mlrd-tan astam teńgeniń kontrafaktilik ónimi ákelingeni aıtyldy.
