Elimizde konservilengen balyq pen ýyldyryq óndirisi birden úsh ese artty
NUR-SULTAN. QazAqparat – 2020 jyldyń qańtar-shilde aılary aralyǵynda daıyndalǵan nemese basqa ádispen konservilengen balyq, ýyldyryq jáne ony almastyrýshylardyń óndirisi 15,6 myń tonnaǵa jetken – bul byltyrǵy jylmen salystyrǵanda 3,1 ese kóp. Bul týraly QazAqparat energyprom.kz saıtyna silteme jasap habarlaıdy.
Balyqtyń úshten eki bóligine jýyǵy (64,2%) Atyraý oblysynda shyǵarylady: 10 myń tonna, bul ótken jyldyń osyndaı kezeńimen salystyrǵanda birden 40,6 ese kóp. Kóshbasshylyq etken aımaqtar «úshtigine» sondaı-aq Batys Qazaqstan oblysy (2 myń tonna, plıýs 11,7 paıyz) jáne Túrkistan oblysy (1,8 myń tonna, plıýs 57,1 paıyz) kirip otyr.
Balyq, shaıantárizdiler jáne ulýlardy qaıta óńdeý jáne konservileý aqshaǵa shaqqanda 13,6 mlrd teńgeni quraǵan.
Eske sala ketsek, Memleket basshysy balyq salasynyń muqııat baqylaýdy talap etip otyrǵanyn atap ótken. 1 qarashaǵa deıin ákimdiktermen birlesip balyq sharýashylyǵyn damytý baǵdarlamalary ázirlenip, aımaqtyq ındıkatorlar shyǵarylady.
Birinshi jartyjyldyqtyń qorytyndylary boıynsha, qazaqstandyq kompanııalar qaıta óńdelgen jáne konservilengen balyq, shaıantárizdiler men ulýlarǵa degen suranysty 62,6 paıyzǵa qamtamasyz etti (byltyrǵy kórsetkish – 40 paıyz). Bul kezeńde óndiris ótken jylmen salystyrǵanda úsh esedeı, 42 myń tonnaǵa deıin ósken. Import kólemi – 37,4 paıyz, al eksport kólemi – 16,8 paıyz boldy.
