Elimizde kommýnaldyq qyzmetterge qaryz 8,3 mlrd. teńgeden asyp túsedi

Bul týraly búgin Úkimettiń selektorlyq formattaǵy otyrysy barysynda QR Qurylys jáne turǵyn úı-kommýnaldyq sharýashylyq isteri agenttiginiń tóraǵasy Serik Nokın málim etti.

«Aǵymdaǵy jylǵy 30 mamyrdaǵy jaǵdaı boıynsha qaryz 8 mlrd. 323 mln. teńgeni quraıdy. Ótken aıda qaryz 421 mln. teńgege tómendedi», - dedi ol.

Agenttik basshysynyń atap ótýinshe, óńirlerge qaryzdardy tómendetý jáne sot arqyly qaryzdardy óndirip alý boıynsha jumystardy jandandyrýǵa usynystar berilgen. Bul oraıda ákimdikterge kassalyq qyzmet kórsetýdi jaqsartý, qaryzdardy bólip tóleý, ósimaqyny alyp tastaý syndy aktsııalar uıymdastyryp otyrǵan Jambyl oblysynyń tájirıbesin paıdalanýǵa keńes berildi.