Elimizde kolledj stýdentteriniń 61 paıyzy qazaq tilinde bilim alyp júr

ASTANA. QazAqparat - Oqýshylardyń jalpy sany – 525,9 myń adam, onyń ishinde 251,2 myń adam nemese 47,8% – áıelder. 2021-2022 oqý jylymen salystyrǵanda oqýshylar sany 6,5% kóbeıdi, dep habarlaıdy QazAqparat.

Ulttyq statbıýro málimetinshe, oqýshylardyń jalpy sanynan 71,8% – negizgi orta bilim, 24,5% – jalpy orta bilim negizinde, 3,7% – TjKB bazasynda oqıdy.

Kúndizgi oqý bóliminde oqýshylardyń 95,8%, keshki jáne syrttaı bólimderde tıisinshe 0,2% jáne 3,9% oqıdy.

316,1 myń adam memlekettik bilim tapsyrysy boıynsha oqıdy, bul – oqýshylardyń jalpy sanynyń 60,1%, 209,8 myń adam nemese oqýshylardyń 39,9% aqyly negizde bilim alady.

Memlekettik tilde oqıtyndardyń úlesi – 61%, orys tilinde – 38,8% jáne aǵylshyn tilinde – 0,2%.

2022 jyly túlekterdiń sany 138,8 myń adamdy qurady, onyń ishinde 83 myń adam nemese 59,8% jumysqa ornalasqan jáne 19,9 myń adam nemese 14,3% joǵary oqý oryndary men kolledjderde oqýyn jalǵastyrǵan.

Respýblıkanyń tehnıkalyq jáne kásiptik bilim berý uıymdarynda 36,9 myń pedagog jáne 5,4 myń óndiristik oqytý sheberi jumys isteıdi.

Pedagog sanattary boıynsha 868 adam – pedagog-sheber, 6 049 adam – pedagog-zertteýshi, 4774 adam – pedagog-ekspert, 6 004 adam – pedagog-moderator.