Elimizde kólikterdiń tehnıkalyq baıqaýdan ótpeı qalýyna tejegish júıesiniń aqaýy sebep bolǵan
ASTANA. Qazaqparat - 2015 jyly 2,5 mln kólik tehnıkalyq baıqaýdan ótýge barǵan. Onyń ishinde 294,5 myń avtokólik birinshi retten tehnıkalyq qarap tekserýden óte almaǵan. Bul týraly QR Investıtsııalar jáne damý mınıstrliginiń baspasóz qyzmeti habarlaıdy.
Kólik quraldarynyń tehnıkalyq baıqaýdan ótpeı qalýy kópshilik jaǵdaılarda tejegish júıesiniń aqaýynan bolady, delingen habarlamada.
2015 jyldyń qorytyndysy boıynsha elimizde tirkelgen 4,4 mln avtokóliktiń (jeńil - 3,6 mln, júk kóligi - 452 myń, avtobýstar - 101 myń, motokólik - 86 myń) 2,5 mln-y tehnıkalyq baıqaýdan ótýge barǵan. Onyń ishinde 2,2 mln-y boıynsha kólikten eshbir aqaý tabylmaı, tehnıkalyq baıqaýdan ótkeni jóninde qujat berilgen.
Tek 294,5 myń avtokólik birinshi retten tehnıkalyq qarap tekserýden óte almaǵan.
Kólik quralynyń tehnıkalyq baıqaýdan ótpeı qalýynyń sebepteri kópshilik jaǵdaılarda mynandaı aqaýlyqtardan bolady:
- tejegish júıesiniń aqaýynan - 106,6 myń;
- rýlmen basqarýdyń kemshiligi - 28,2 myń;
- syrtqy jaryq berý aspaptarynyń aqaýy - 148,3 myń;
- konstrýktsııanyń basqa elementteri boıynsha - 76 myń kólik.
