Elimizde kólikter men ózge de tehnıkalarǵa degen baǵany jasandy túrde kóterý faktileri oryn alǵan joq - M.Esenbaev
STANA. Naýryzdyń 17-si. QazAqparat /Aıdar Ospanalıev/ - Elimizde kólikter men ózge de tehnıkalarǵa degen baǵany jasandy túrde kóterý faktileri oryn alǵan jaǵdaıda oǵan tıisti zańdarǵa sáıkes shara qoldanylatyn edi.
Alaıda, búginde elde ondaı faktiler oryn alǵan joq. Al kólik baǵasynyń qymbattaǵany ras. Ol jańa kedendik salyqtarmen baılanysty. Bul týraly búgin Astanada on-laın rejıminde ótken konferentsııa barysynda Básekelestikti qorǵaý agenttiginiń tóraǵasy Májıt Esenbaev málim etti, dep habarlaıdy QazAqparat.
Onyń sózine qaraǵanda, kólik baǵasynyń ósýi elimizdiń Kedendik odaqqa qosylýyna ǵana baılanysty másele emes. Sonymen qatar eldegi kedendik saıasattyń, naqtyraq aıtqanda birqatar taýarlar men qyzmet túrlerine salynatyn salyqtardyń ózgerýimen de baılanysty bolyp otyr. «Buǵan qosa, elimiz syrttan ákelinetin eski kólikterge salynatyn salyqtar kólemin de arttyrdy. Bul másele tóńiregindegi pikirtalas birshama ýaqyttan beri órbip keledi. Bul barshaǵa málim. Menińshe, bul óte utymdy shara. Sebebi ol eldegi ekologııalyq jaǵdaıdy retteýmen de tyǵyz baılanysty. Qazaqstanda eski kólikterdiń saldarynan ekologııalyq jaǵdaıdyń kúrdelene bastaǵanyn bárimiz bilemiz», dedi agenttik tóraǵasy.
