Elimizde qolǵa alynǵan ózgeristiń bári urpaq úshin jasalyp jatyr - Prezıdent

QONAEV. QazAqparat – Ana men balaǵa qamqorlyq keleshekte de jalǵasa beredi. Bul týraly Memleket basshysy Qasym-Jomart Toqaev Almaty oblysy jurtshylyǵymen kezdesýinde aıtty, dep habarlaıdy QazAqparat Aqordaǵa silteme jasap.

«Almaty oblysy – bala týý kórsetkishi boıynsha kósh bastap kele jatqan óńirdiń biri. Osy óńirde 45 myńǵa jýyq kóp balaly otbasy turady. «Balaly úı – bazar» deıdi halqymyz. Shyn máninde, bala – bizdiń qýanyshymyz, bala – bizdiń bolashaǵymyz. Elimizde qolǵa alynǵan ózgeristiń bári urpaq úshin jasalyp jatyr. Men Joldaýda aıtqanymdaı, jańa jyldan bastap bala kútimi úshin tólemaqy tóleý merzimi sábı bir jarym jasqa tolǵanǵa deıin uzartylatyn boldy. Sondaı-aq, áıelderdiń zeınet jasyn 2028 jylǵa deıin 61 jas deńgeıinde qaldyrý týraly sheshim qabyldadym. Ana men balaǵa qamqorlyq keleshekte de jalǵasa beredi», - dedi Prezıdent.