Elimizde kóktemgi áskerge shaqyrý naýqany jalǵasýda
ASTANA. QazAqparat - Ulty, násili, dini, saıası kózqarasy men ustanǵan baǵyt-baǵdary sııaqty erekshelikterine qaramastan, respýblıkamyzdyń árbir azamaty ózi ómir súrip, aýasyn jutyp, ıgiligin paıdalanyp otyrǵan memleketin «tqoǵýǵan elim, Otanym» dep tanýy qajet. Patrıotızmdi qalyptastyrý - jeke tulǵanyń nyq saıası turǵyda ózin - ózi naqty aıqyndaýy degen sóz.
Qazaqstan Respýblıkasynyń Qarýly Kúshteri jaýyngerlik sheberlikti jetildirýde neǵurlym joǵary jetistikterge jetý úshin úzdikter men ozat mamandardy daıarlaý maqsatynda úzdiksiz jumys istep keledi.
Elimizde 2017 jyldyń kókteminde Qazaqstan Respýblıkasynyń Qarýly Kúshterine, basqa da áskerleri men áskerı quralymdaryna 1999-1990 jyldary týylǵan 16 myńnan asa azamatty shaqyrý josparlanýda.
Qazaqstan Respýblıkasynyń Qarýly Kúshterin, basqa da áskerleri men áskerı quralymdaryn tıisti bilim deńgeıi bar, fızıkalyq jáne psıhologııalyq turǵyda anaǵurlym daıyndalǵan jas tolymmen jasaqtaý kóktemgi merzimdi áskerı qyzmetke shaqyrý naýqanynyń negizgi mindeti bolyp tabylady.
Shaqyrý «Belgilengen áskerı qyzmet merzimin ótkergen merzimdi áskerı qyzmettegi áskerı qyzmetshilerdiń zapasqa shyǵarý jáne 2017 jylǵy naýryz-maýsym jáne qyrkúıek-jeltoqsan aılarynda Qazaqstan Respýblıkasynyń azamattaryn kezekti merzimdi áskerı qyzmetke shaqyrý týraly» Qazaqstan Respýblıkasy Prezıdentiniń 2017 jylǵy 16 naýryzdaǵy № 449 Jarlyǵyna sáıkes bastalady.
Qazaqstan Respýblıkasyndaǵy merzimdi áskerı qyzmetke jasaqtaý sharalary eksaýmaqtyq qaǵıdat boıynsha júzege asyrylady. ıAǵnı, shaqyrylýshy ózge óńirge qyzmet etýge joldanady. Áskerı bólimder boıynsha jas tolymdy irikteý jáne taratý kezinde shaqyrylýshylardyń shaqyrylýǵa deıin alǵan mamandyqtary eskeriledi.
Qazaqstan Armııasy áskerge shaqyrý boıynsha da jáne kelisimshart boıynsha da aralas tásilmen jasaqtalady. Onyń is-qımylynyń barlyq salasyna álemdik tájirıbege negizdelgen eń jańa jáne ozyq tájirıbe engiziledi. Jeke qurammen jasaqtaý, onyń ishinde áskerge shaqyrý da artta qalǵan joq.
Bul rette, 2017 jylǵy kóktemgi áskerge shaqyrý Qazaqstan Respýblıkasy Qarýly Kúshteriniń 25 jyldyǵyn merekeleý kezeńinde júrgiziletin bolady.
Osyǵan baılanysty óńirlerde jańa shaqyrylǵandardy armııaǵa saltanatty túrde shyǵaryp salýdy uıymdastyrý, áskerı ant qabyldaý dástúrin ashyq alańdarda, qalalar men aýdandardyń tarıhı mańyzdy jerlerinde qoǵamnyń jáne BAQ-nyń toptaryn keńinen tarta otyryp ótkizý josparlanýda.
Óıtkeni, áskerı-patrıottyq jumys ósip kele jatqan urpaqtyń bıik patrıottyq sezimin jáne memlekettiń óz Otanyn qorǵaýǵa ázir azamatynyń adamgershilik qasıetin qalyptastyrýǵa yqpal etýi tıis.
Qazirgi kezde Qazaqstan Respýblıkasynyń Qarýly Kúshterine qurlyq áskerleri , Áýe qorǵanys kúshteri , Áskerı - teńiz kúshteri , sondaı-aq Ulttyq qaýipsizdik Komıtetiniń Shekara áskerleri , Respýblıkalyq Ulan men Іshki áskerler kiredi.
Qazaqstanda merzimdi áskerı qyzmet mindetin óteý merzimi - bir jyl.
Qazaqstan Respýblıkasy táýelsizdiginiń ótken jyldarynda bizdiń memleketimizdiń basshysy - Qarýly Kúshterdiń Joǵarǵy Bas qolbasshysy Nursultan Ábishuly Nazarbaevtyń talmas qamqorlyǵy nátıjesinde shaǵyn, utqyr jáne jaýyngerlik Qarýly Kúshter qalyptastyryldy, onyń negizi joǵary jaýyngerlik mashyqty kórsete alatyn jeke quramnan turady.
Aıta keteıik, 1992 jyly 7 mamyrda Qazaqstan Prezıdenti N.Á.Nazarbaev "Qazaqstan Respýblıkasy Memlekettik qorǵanys komıtetin Qazaqstan Respýblıkasynyń Qorǵanys mınıstrligi etip qaıta qurý týraly", "Qazaqstan Respýblıkasynyń Qarýly Kúshterin qurý týraly" jáne alǵashqy qorǵanys mınıstri etip general polkovnık (1993 jyldyń 9 mamyrynan armııa generaly) S.Q.Nurmaǵambetovty taǵaıyndaý týraly jarlyqtarǵa qol qoıdy. Bul kún Qazaqstannyń derbes Qarýly Kúshteriniń qurylǵan kúni bolyp qaldy.
