Elimizde qoǵamdyq densaýlyq saqtaý ǵylymı ortalyǵy qurylatyn bolady
Alqaǵa qatysýshylardy Qazaqstandaǵy Qoǵamdyq densaýlyq saqtaý qyzmetin qalyptastyrý týraly aqparattandyra otyryp, Alekseı Tsoı ol úsh negizgi maqsatqa qol jetkizýge baǵyttalǵanyn atap ótti. Bul saıasatty qoǵamdyq densaýlyq saqtaý salasyndaǵy qyzmetti qoldaý úshin zańnamalyq bazany jetildirý arqyly ázirleý; ınfektsııalyq jáne ınfektsııalyq emes aýrýlardyń profılaktıkasy men monıtorıngine baǵyttalǵan is-sharalardy iske asyrý; halyq densaýlyǵyn qamtamasyz etý úshin qoǵamnyń barlyq resýrstaryn jumyldyrý men úılestirý.
«Qyzmettiń úlgisi úsh deńgeıde usynylady: ulttyq, oblystyq jáne aýdandyq. Ulttyq deńgeıde QR Úkimetiniń janyndaǵy Azamattardyń densaýlyǵyn saqtaý jónindegi ulttyq úılestirý keńesiniń jumysyn jalǵastyrý usynylady, bul deńgeıde qoǵamdyq densaýlyq saqtaý jónindegi is-sharalardyń strategııasy, josparlaý men úılestirý aıqyndalatyn bolady. Oblystyq deńgeıde qoǵamdyq densaýlyq saqtaý jónindegi is-sharalardy úılestirý densaýlyq saqtaý jónindegi vedomstvoaralyq úılestirý keńesteriniń deńgeıinde ákimdikterde júzege asyrylatyn bolady. Aýdandyq deńgeıde - aýdandyq ákimdikterdiń, aýyl okrýgteriniń, medıtsınalyq-sanıtarııalyq alǵashqy kómek uıymdarynyń, aýdandyq ortalyq aýrýhanalardyń, aýyldyq dárigerlik ambýlatorııalardyń, feldsherlik-akýsherııalyq pýnktterdiń, medıtsınalyq pýnktterdiń, ÚEU-lardyń qatysýy kezinde densaýlyq saqtaý jónindegi is-sharalar iske asyrylatyn bolady» - dep málim etti vıtse-mınıstr.
Qoǵamdyq densaýlyq saqtaý qyzmetine 2017 jyldan bastap 2019 jyl aralyǵynda (orta merzimdi kezeń) sektoraralyq ózara is-qımyldy keńeıtý, biryńǵaı aqparattyq keńistikti qalyptastyrý, azamattardyń densaýlyǵyn nyǵaıtý máselelerinde ÚEU, medıtsınalyq JOO-lardyń, ǵylymı ortalyqtardyń rólin kúsheıtý mindetteri alǵa qoıylǵan.
Qoǵamdyq densaýlyq saqtaý qyzmetin damytý Densaýlyq saqtaý salasyn damytýdyń 2016-2019 jyldarǵa arnalǵan «Densaýlyq» memlekettik baǵdarlamasymen qabyldanǵan kórsetkishterge qol jetkizýdi qamtamasyz etýge, densaýlyqtyń negizgi kórsetkishterine yqpal etetin aýrýlardy emdeýge densaýlyq saqtaý bıýdjetiniń shyǵynynyń ósýin tómendetýge, memlekettiń barlyq sektoryn qoǵamdyq densaýlyq saqtaý isine tartýǵa jáne halyqtyń salamatty ómir saltyn qalyptastyrý, utymdy tamaqtaný stereotıpine jáne belsendi jáne sapaly uzaq ómir súrýge umtylýyna múmkindik beredi.
Alqada sóz sóılegen QR Densaýlyq saqtaý vıtse-mınıstri L.M. Aqtaeva densaýlyq saqtaý uıymdarynyń MÁMS engizýge daıyndyǵyn qamtamasyz etý úshin oblystardyń, Astana jáne Almaty qalalarynyń ákimdikteri densaýlyq saqtaý uıymdarynda, sonyń ishinde aýyldyq eldi mekenderde tıisti AT-ınfraqurylymyn qurýy jáne qajetti kompıýterlik tehnıkany satyp alýdy qamtamasyz etýleri qajet dedi. 2017 jyly densaýlyq saqtaý uıymdaryn kompıýterlik tehnıkamen jaraqtandyrýdy 50%-ǵa, 2018 jyly 100%-ǵa deıin jetkizý qajet ekenin atap ótti. Aǵymdaǵy jyldyń sońyna deıin óńirler barlyq densaýlyq saqtaý uıymdaryn jergilikti medıtsınalyq aqparattyq júıemen qamtamasyz etýge tıis.
Sonymen birge, vıtse-mınıstr dári-dármekpen qamtamasyz etý máselelerine erekshe nazar aýdardy, sebebi, olar halyq úshin, ásirese MÁMS engizý sheńberinde barynsha ózekti bolyp tabylady.
Barlyq medıtsınalyq preparattardyń baǵalaryn memlekettik retteý kásipkerlik múddesin qozǵaıtynyn eskere otyryp, odan ári tıisi NQA daıarlaý úshin (patsıentterdiń, úkimettiń jáne bıznestiń múddelerin eskere otyryp) baǵalardy retteýdiń tıimdi ádisterin qoldanýdy eskerýmen akkredıttelgen Assotsıatsııalar men bıznes-qoǵamdastyqtar ókilderiniń qatysýymen «Atameken» kásipkerler ulttyq palatasynyń alańynda konstrýktıvtik usynystardy ázirleý jáne talqylaý qajet.