Elimizde qoǵam qaýipsizdigin qamtamasyz etý úshin qansha beınebaqylaý kamerasy qajet

NUR-SULTAN. QazAqparat – Qazaqstanda qoǵam tynyshtyǵy men qaýipsizdigin qamtý úshin qansha kólemde beınebaqylaý kamerasy kerek. Bul suraqqa elimizdiń Іshki ister mınıstriniń orynbasary Sáken Sársenov jaýap berdi, dep habarlaıdy QazAqparat tilshisi.

«Elimizde jappaı beınebaqylaý júıesimen qamtýdy belsendi túrde júzege asyratyn bolamyz. Osy oraıda 100 turǵynǵa 15 beınebaqylaý kamerasynan keletin halyqaralyq tájirıbeni zerttedik. Bizge ol kórstkishke jetý úshin respýblıka boıynsha shamamen 2 mıllıon 795 myń beınebaqylaý kamerasyn ornatý qajet. Ásirese beınebaqylaý júıesin adam kóp shoǵyrlanatyn, qoǵamdyq oryndarda jıi bolǵany jón. Sebebi beınebaqylaý kameralarynyń arqasynda qoǵamdyq oryndarda jasalatyn qylmys 2019 jyly 14%-ǵa, ótken jyly jyly – 51%-ǵa jáne bıylǵy jyldyń 9 aıynda - 29,8%-ǵa azaıǵan», - dedi Sáken Sársenov OKQ-de ótken baspasóz máslıhatynda.

Onyń aıtýynsha, búginde el boıynsha qoǵamdyq oryndarda 625 myńnan astam beınebaqylaý kamerasy ornatylǵan.

Buǵan deıin mınıstr orynbasary elimizde adamnyń kelbetin tanıtyn tehnologııany engizý múmkindigi týraly aıtyp berdi.

Sondaı-aq, Sáken Sársenov bıyl jyl sońyna deıin elimizdegi polıtsııa bólimsheleri tolyqtaı beınebaqylaý kameralarymen qamtylatyn jetkizdi.