Elimizde kisi óltirip, quqyq qorǵaý organdarynan boı tasalap júrgen Qazaqstan azamaty Grekııada ustaldy
ASTANA. Qańtardyń 16-sy. QazAqparat. - Elimizde kisi óltirip, quqyq qorǵaý organy qyzmetkerlerinen boı tasalap júrgen 1975 jyly týylǵan Qazaqstan azamaty ótken jyldyń jeltoqsan aıynyń 30-y kúni Grekııada ustaldy,
dep habarlaıdy Bas prokýratýranyń baspasóz qyzmeti.
Shet memlekette qolǵa túsken Qazaqstan azamaty G.Semenchýk 1995 jyldyń aqpan aıynyń 18-i kúni urys-keris kezinde R.Irızov atty azamatqa ańshy myltyǵynan oq atyp, oqıǵa ornynan qashyp ketken.
Al R.Irızov alǵan jaraqatynan aýrýhanada esin jımastan kóz jumdy.
Osy oqıǵa boıynsha 1995 jyldyń aqpan aıynyń 19-y kúni Qyzylorda qalalyq prokýratýrasy qylmystyq is qozǵap, G.Semenchýkty kisi óltirdi degen aıyppen qamaýǵa alý jóninde arnaıy qaýly shǵardy. 1995 jyldyń mamyr aıynyń 30-y kúni G.Semenchýkke halyqaralyq izdeý jarııalanǵan.
Baspasóz málimetterine qaraǵanda, Grekııa Interpolynyń ulttyq bıýrosy qazir Afıny qalasynyń appelıatsııalyq sotyna grek tiline aýdarylǵan ekstradıtsııalaý materıaldaryn jiberýdi surap otyr.
