Elimizde QHA janynda 210 Analar keńesi jumys istep jatyr

ASTANA. QazAqparat - Analar keńesiniń atqaratyn jumysynyń máni zor. Bul týraly búgin Otbasyndaǵy toleranttylyq máseleleri jónindegi birinshi respýblıkalyq Analar forýmy barysynda Qazaqstan halqy Assambleıasy Tóraǵasynyń orynbasary-Hatshylyq meńgerýshisi Eraly Toǵjanov aıtty.

«Qazaqstannyń barlyq óńirlerinde Qazaqstan halqy Assambleıalary janynda oblystyq, aýdandyq, aýyldyq deńgeılerde toleranttylyq máseleleri jóninde 210 Analar keńesi jumys isteýde. Oblystyq deńgeıdegi keńester quramyna 335 adam múshe bolyp tabylady. Olardyń kópshiligi etnomádenı birlestikterdiń jetekshileri, úkimettik emes sektor, mádenıet jáne bilim berý mekemekeleriniń ókilderi, áıelder qoǵamdyq birlestikteriniń belsendileri bolyp tabylady»,-dedi E. Toǵjanov.

Onyń sózine qaraǵanda, keńes otyrystarynda otbasynda tulǵany úılesimdi damytýǵa, tulǵany áleýmettendirýdegi otbasynyń róline, balalar men jasóspirimderdi tárbıeleýge, ananyń densaýlyq jaǵdaıyna, áıelder quqyǵyn qorǵaýǵa, tilidi jáne mádenıetti saqtaýǵa baǵyttalǵan jáne basqa da ózekti máseleler talqylanady. Tek aǵymdaǵy jyly keńester 185-ten astam shara ótkizdi.