Elimizde «Kezeksiz emhana» respýblıkalyq baıqaýy ótýde
ASTANA. 9 qańtar. QazAqparat - QR Densaýlyq saqtaý mınıstrliginiń bastamasymen elimizde «Kezeksiz emhana» respýblıkalyq baıqaýy ótip jatyr.
Bul aqparatty atalǵan vedomstvonyń baspasóz qyzmeti taratyp otyr.
Shara azamattar medıtsınalyq kómekti eshqandaı qıyndyqsyz, tez jáne sapaly ala alatyn, kezegi joq, uıym qyzmeti rettelgen emhanalardy anyqtaýǵa baǵyttalǵan.
«Kezeksiz emhana» respýblıkalyq baıqaýy elimizdiń barlyq óńirin qamtıdy. Shara maqsaty - ambýlatorııalyq-emhanalyq kómek kórsetetin uıymdardy yntalandyrý.
Baıqaýǵa barlyq emhanalar, onyń ishinde jekemenshik emdeý oryndary qatysa alady. Ol úshin ótkizilgen is-sharalaryn, jetistikterin, jumys nátıjelerin, onyń ishinde ftosýretteri bar tanystyrý materıaldaryn QR Densaýlyq saqtaý mınıstrliginiń Medıtsınalyq jáne farmatsevtıkalyq qyzmetti baqylaý komıteti men Medıtsınalyq kómekti uıymdastyrý departamentine joldaýy tıis.
2012 jyldyń 20 qańtarynda baıqaýdyń laýreattary anyqtalatyn bolady. Jeńimpazdarǵa Londonǵa joldama tabys etiledi.
