Elimizde «Keskindemelik magıstral» dep atalatyn erekshe baıqaý jarııalandy

Bul baıqaýda elimizdiń árbir turǵyny el aýmaǵyndaǵy munaıgaz qubyrlaryn óz qolymen bezendire alady. Ol múmkindikti, www.voxpopuli.kz ınternet -portaly men álemdik deńgeıdegi jetekshi rólge ıe, úlken qubyrlardy shyǵarýshy reseılik «Vysota-239» jobasy birigip usynyp otyr.

Uıymdastyrýshylardyń aıtýynsha, elimizdiń munaıgaz eksportynyń tarıhy endi qazaqstandyqtardyń óz qolymen jazylatyn bolady.

Qubyrlarǵa arnalǵan sýretterdiń baıqaýyna kásipqoı sýretshiler men dızaınerler, sondaı-aq, qarapaıym turǵyndar qatysa alady. Baıqaýdyń sharttary men erejeleri týraly tolyq aqparatty www.voxpopuli.kz saıtynan alýǵa bolady. Keıinnen osy saıttan baıqaý qatysýshylarynyń týyndylaryn kórýge bolady.

Eń úzdik eki jobanyń avtorlary aldaǵy jyly Frantsııada bolatyn «Kann arystany» festıvaline joldama alady. Sonymen qatar, taǵy úsh jeńimpaz (olardyń bireýi kórermenderdiń daýys berýimen) dızaınerlerdiń Chelıabi qalasynda ótetin reseı-qazaq semınaryna qatysatyn bolady.

Qazaqstannyń munaıgaz salasynyń damýy Reseı metallýrgııasynyń alyby - Chelıabi qubyr shyǵarýshy zaýytymen tyǵyz baılanysty. 50 jyl buryn osy zaýyttyń ónimi Orta Azııa men Eýropany jalǵastyratyn alǵashqy shıkizat magıstraliniń negizin qalady. Búginde atalmysh zaýyt halyqaralyq metallýrgııa salasynda aldyńǵy qatarda jáne Qazaqstannyń shıkizat tasymaldaý salasyndaǵy basty áriptesi bolyp tabylady.