Elimizde qazaq tilinde oqytatyn mektepter jelisi keńeıýde - N. Nazarbaev
ASTANA. Qazannyń 20-sy. QazAqparat /Marlan Jıembaı/ - Elimizde qazaq tilinde dáris beretin 4 myńǵa jýyq mektep bar.
Bul týraly Prezıdent búgin Astanada ótip jatqan Qazaqstan halqy Assambleıasynyń HVІ sessııasynda aıtty.
«Eń aldymen qazaq tilinde oqytatyn mektepter jelisi keńeıýde. Qazir ondaı mektepter 4 myńǵa jýyq. Bul 90-ynshy jyldardyń basyna qaraǵanda eki esege kóp»,- dedi N. Nazarbaev.
Sondaı-aq Elbasynyń atap ótýinshe, nıet etkender úshin qazaq tilin oqytýdyń 100-den astam ortalyǵynda jumys jolǵa qoıylǵan. Qazaq tildi BAQ-tarǵa da jan-jaqty qoldaý kórsetilýde. «Táýelsizdik jyldary qazaq tilindegi baspa basylymdary 7 esege kóbeıdi»,- dedi Elbasy.
