Elimizde qazaq kúresin damytý jospary ázirlendi

NUR-SULTAN. QazAqparat – «Qazaq kuresi» qaýymdastyǵynyń birinshi vıtse-prezıdenti Samat Ábish ulttyq qurama sapyndaǵy sportshylarmen kezdesti, dep habarlaıdy QazAqparat tilshisi.

Sport jáne dene shynyqtyrý komıtetiniń málimetinshe, búgin Jekpe-Jek» saraıy bazasynda sportshylardyń oqý-jattyǵý jıyny qorytyndylanǵan.

Samat Ábish ǵylymı-praktıkalyq bazany kúsheıtý, oqý baǵdarlamalaryn iske asyrý, mamandardy qaıta daıarlaý jáne biliktiligin arttyrý úshin qaýymdastyq prezıdenti Kárim Másimovtiń qoldaýymen «Qazaq kuresi» akademııasy qurylǵanyn atap ótti.

Onyń sózinshe, Nazarbaev Zııatkerlik mektepterimen birge 2020-2021 oqý jylyna arnalǵan Qazaq kúresin damytý jónindegi is-sharalardyń birlesken jospary ázirlengen.

Budan basqa Samat Ábish qazaq kúresin strategııalyq turǵyda ilgeriletý jáne tanymal etý úshin «Rýhanı jańǵyrý» baǵdarlamasy sheńberinde iske asatyn «Qazaq kuresi» arnaıy jobasy ázirlengenin aıtty.

Búgingi tańda «Qazaq kuresi» qaýymdastyǵy biryńǵaı ortalyqtandyrylǵan basqarý uıymyna aınalǵan.

Atalǵan saltanatty sharaǵa qonaq retinde QR Mádenıet jáne sport vıtse-mınıstri Sáken Musaıbekov pen Jaýyngerlik óner qaýymdastyǵynyń prezıdenti Ánýar Sadyqulov shaqyryldy.