Elimizde qaıyr surap júrgen 24 myńǵa jýyq adam ustaldy
ASTANA. QazAqparat - 2018 jyly qaıyr surap júrgen 24 myńǵa jýyq adam ustaldy. Mundaı derekti Májilis depýtattarynyń resmı saýalyna jaýap bergen QR Premer-Mıınstri Baqytjan Saǵyntaev keltirdi, dep habarlaıdy QazAqparat tilshisi.
«Іshki ister mınıstrliginiń derekteri boıynsha, Qazaqstan Respýblıkasynyń Ákimshilik quqyq buzýshylyq týraly jańa kodeksi qabyldanǵan sátten bastap azamattarǵa mazalap tıiskeni úshin 70 myńnan astam adam jaýapkershilikke tartyldy, sondaı-aq 17,5 myńnan astam adam ákimshilik qamaqqa alyndy, shamamen 600 shetel 2 azamaty elden tys shyǵaryldy. 2018 jyly qaıyr surap júrgen 24 myńǵa jýyq adam ustaldy, olardyń ishinde Astana qalasy boıynsha - 4,5 myńnan astam», - deıdi Úkimet basshysy.
Onyń atap ótýinshe, belgili bir turatyn jeri joq adamdar men qaıyrshylardyń sanyn azaıtý maqsatynda jergilikti atqarýshy organdar olardy anyqtaý, ýaqytsha bolý uıymdaryna ornalastyrý jáne «Arnaýly áleýmettik qyzmetter týraly» Qazaqstan Respýblıkasynyń Zańyna sáıkes olarǵa medıtsınalyq, psıhologııalyq kómek, zańdyq keńes berý, tıisti jeńildikter men járdemaqylar resimdeý, qujattardy qalpyna keltirý, bilim alýǵa jáne jumysqa turýǵa kómek kórsetý boıynsha jumysty turaqty negizde júrgizedi.
Qazaqstan Respýblıkasy Densaýlyq saqtaý jáne áleýmettik damý mınıstriniń 2015 jylǵy 26 naýryzdaǵy № 165 buıryǵymen bekitilgen Halyqty áleýmettik qorǵaý salasynda arnaýly áleýmettik qyzmetter kórsetý standarttaryna sáıkes ýaqytsha bolý uıymdary mindetti túrde adam sany júz myńnan asatyn qalalarda qurylady jáne qajet bolǵan kezde jergilikti atqarýshy organdar olardy halyq sany otyz myń jáne odan astam eldi mekenderde qurýǵa quqyly.
Ýaqytsha bolý uıymdarynda arnaýly áleýmettik qyzmetter mynadaı úsh model eskerile otyryp usynylady:
1) «Ómirdegi qıyn jaǵdaıdy eńserý» adamnyń qalaýy boıynsha sharttyq qatynastarda júzege asyrylady jáne taraptardyń ózara mindettemelerin kózdeıdi, onda áleýmettik beıimdeý ortalyǵy kásibı oqýǵa nemese qaıta oqýǵa jiberip, adamnyń bir jylǵa deıingi merzimge táýlik boıy turýyn (tamaqtanýdy, turýdy, birinshi qajetti zattar men ózge qyzmetterdi usynýmen), jumysqa turýyna, jaldamaly turǵyn úı nemese jataqhanadan oryn alýǵa kómek kórsetýdi qamtamasyz etedi, al adam ózine kásibı oqýdan ótý jáne Ortalyq jiberip otyrǵan uıymdarǵa jumysqa turý mindettemelerin alady;
2) «Túnde bolý bólimshesi» ómir saltyn ózgertýdi qalamaıtyn úısiz adamdardy ystyq tamaqpen qamtamasyz etpeı, olarǵa táýliktiń túngi ýaqytynda tósek-oryn túrinde usynylady;
3) «Áleýmettik patrýl» mobıldik qyzmeti» kóshelerde táýliktiń kúndizgi ýaqytynda úısiz adamdarǵa medıtsınalyq-áleýmettik kómek kórsetý úshin.
«Eger áleýmettik beıimdeý ortalyǵyna júgingen adam jalǵyz basty zeınetker nemese 1, 2-toptaǵy múgedek bolǵan jaǵdaıda ony qarttarǵa jáne múgedekterge arnalǵan statsıonarlyq úlgidegi medıtsınalyq-áleýmettik mekemege jiberedi», - dedi B.Saǵyntaev.
