Elimizde qaýipsiz eńbek tujyrymdamasy ázirlenýde

NUR-SULTAN. QazAqparat – Elimizde 2030 jylǵa deıingi qaýipsiz eńbek tujyrymdamasynyń jobasy ázirlenýde. Bul týraly Eńbek, áleýmettik qorǵaý jáne kóshi-qon komıteti tóraǵasynyń orynbasary – QR Bas memlekettik eńbek ınspektory Tólegen Ospanqulov aıtty, dep habarlaıdy QazAqparat tilshisi.

«Qazirgi ýaqytta Eńbek jáne halyqty áleýmettik qorǵaý mınıstrligi 2030 jylǵa deıingi qaýipsiz eńbek tujyrymdamasynyń jobasy ázirlenýde. Ol eńbekti qorǵaýdy basqarýdyń táýekelge baǵdarlanǵan ulttyq júıesin qurýǵa áleýmettik áriptestik taraptardyń belsendi qatysýyn qamtamasyz etetin júıeli is-sharalardy aıqyndaıtyn bolady. Norma shyǵarý qyzmeti aıasyndaǵy tıisti jumystardy 2021 jyly aıaqtaý josparlanyp otyr», - dedi Tólegen Ospanqulov Ortalyq kommýnıkatsııalar qyzmetindegi baspasóz máslıhaty barysynda.

Onyń aıtýynsha, osy jyldyń 12 naýryzynda Áleýmettik áriptestik pen áleýmettik jáne eńbek qatynastaryn retteý jónindegi respýblıkalyq úshjaqty komıssııa otyrysynda 2021-2023 jyldarǵa arnalǵan bas kelisim jasaldy.

«Qujattyń negizgi maqsaty - laıyqty eńbek qaǵıdattaryn ilgeriletý. Bul tolyq jumyspen qamtylǵan kezde jaqsy óndiristik, áleýmettik-eńbek ári qaýipsiz jaǵdaılarda laıyqty tólemdi, árbir jumyskerge qanaǵattanýshylyqty, óziniń qabileti men sheberligin kórsetý múmkindigin beretin joǵary tıimdi eńbekti bildiredi», – dedi ol.