Elimizde qasqyr sanyn retteýdiń lımıti bekitildi

ASTANA. QazAqparat - Qazaqstanda bir jyl boıy qasqyr sanyn retteýdiń lımıti bekitildi. Bul týraly feısbýk paraqshasynda QR AShM Orman sharýashylyǵy jáne janýarlar dúnıesi komıtetiniń baspasóz hatshysy Sáken Dildahmet jazdy, dep habarlaıdy QazAqparat tilshisi.

«Qazaqstan Respýblıkasynyń aýmaǵynda 2019 jyldyń 1 qańtary men 31 jeltoqsany aralyǵyndaǵy qasqyr sanyn retteýdiń lımıti bekitildi. Qasqyr sanyn retteý boıynsha memlekettik qyzmet egov.kz elektrondy júıesi arqyly beriledi», - dep jazady Sáken Dildahmet.

Qasqyr sanyn retteý (ıaǵnı, atý) ruqsatyn tómendegi silteme arqyly alýǵa bolady.

https://www.facebook.com/photo.php?fbid=1218279628323586&set=a.104410876377139&type=3&theater

AShM malǵa shapqanda nemese eldimeken aýmaǵynda qańǵyp júrgen jaǵdaıda ǵana qasqyrdy lımıt boıynsha atýǵa ruqsat beriletinin eskertedi.

Eske sala ketsek, byltyr Qazaqstannyń bıoalýantúrlilikti saqtaý qaýymdastyǵynyń (QBSQ) qasqyr sanyn anyqtaýǵa baılanysty Aqtóbe, Atyraý, Batys Qazaqstan jáne Mańǵystaý oblystarynda ańshylar men jergilikti turǵyndar arasynda saýalnama júrgizetini habarlanǵan bolatyn.