Elimizde kásipkerlerge arnalǵan qosymsha qashan tolyq rejımde iske qosylady

NUR-SULTAN. QazAqparat – E-Salyq Business mobıldi qosymshasyn 400 myń jeke kásipker qoldana alady. Bul týraly QR QM Memlekettik kirister komıteti tóraǵasynyń orynbasary Jaıdar Іńkárbaev aıtty, dep habarlaıdy QazAqparat tilshisi.

Aıta keteıik, QR Qarjy mınıstrligi Memlekettik kirister komıteti E-Salyq Business jańa mobıldi qosymshasyn tanystyrdy.

«Qazirgi kezde mobıldi qosymsha Aqmola jáne Jambyl oblystarynda testileýden ótip jatyr. Osy oraıda 3,5 myńǵa tarta kásipker osy qosymshaǵa tirkelip, paıdalanyp jatyr. Aldaǵy jyldan bastap qosymsha tolyq rejımde iske qosylady. 400 myńǵa jýyq kásipker qosymshany paıdalanady», - dedi Jaıdar Іńkárbaev Ortalyq kommýnıkatsııalar qyzmetinde.

Belgili bolǵandaı, pılottyq testileýde jeke kásipker retinde tirkelgender jáne arnaıy salyq rejımin qoldanatyndar ǵana qatysa alady

Komıtet málimetine qaraǵanda, «E-Salyq Business» jańa mobıldi qosymshasyn Play market-ten júkteýge bolady. Sonymen qatar, App store-de atalǵan qosymshany júkteý úshin berilgen ótinimge jaýap alý rásimderi júrip jatyr.