Elimizde qasaqana kisi óltirý qylmystarynyń sany 50%-ǵa qysqardy - Marat Ahmetjanov

ASTANA. QazAqparat – Úıde jatyp, syn aıtqansha, polıtsııanyń jumysyna belsendi qatysý kerek. Búgin elorda ákimdiginde ótken «Qoǵammen seriktestikte qoǵamdyq qaýipsizdikti qamtamasyz etý» tujyrymdamasy aıasynda Astanadaǵy máseleler kartasyn tanystyrǵan Іshki ister mınıstri Marat Ahmetjanov osylaı málim etti, dep habarlaıdy QazAqparat tilshisi.

«Birinshi kezekte senim mańyzdy. Sondyqtan biz máseleler kartasy, problemalardy júıeli jáne keshendi sheshý joldary týraly aıtyp jatyrmyz. Krımenogendik ahýalǵa toqtalaıyn: elimizde qasaqana kisi óltirý qylmystarynyń sany 50%-ǵa qysqardy. Búginde biz ıntelektýaldyq júıeni jasap shyǵardyq. Ol jaıaý júrginshilerdiń ólimin 25%-ǵa tómendetýge múmkindik berip otyr. Eger sizder osyny sezinbeseńizder, osyny kórmeseńizder, men qalǵanyn bilmeımin. Sondyqtan úıde jatyp alyp, syn aıtqansha, bilip, kórip polıtsııanyń jumysyna belsendi qatysý kerek», - dedi Іshki ister mınıstri Marat Ahmetjanov.

Onyń paıymynsha, vedomstvo ázirlegen «Qoǵammen seriktestikte qoǵamdyq qaýipsizdikti qamtamasyz etý» tujyrymdamasyn oryndaýǵa ár azamat atsalysýy qajet. ıAǵnı, kúndelikti halyq arasynda bolatyn quqyq buzýshylyq áreketteriniń joly kesý maqsatynda turǵyndar polıtsııa qyzmetkerlerimen birlese áreket etýi kerek.