Elimizde qarjylyq saýattylyq deńgeıi sál ǵana kóterildi - agenttik
«Qazaqstan halqynyń qarjylyq saýattylyq ındeksi ótken jylmen salystyrǵanda 0,45 tarmaqqa ulǵaıyp, 2021 jyly 39,52 paıyzdy qurady (2020 jyly bul kórsetkish 39,07% deńgeıinde boldy). QR Úkimetiniń 30.05.2020j. 338 qaýlysymen bekitilgen Qarjylyq saýattylyqty arttyrýdyń 2020 - 2024 jyldarǵa arnalǵan tujyrymdamasyn iske asyrý aıasynda QR Qarjy naryǵyn retteý jáne damytý agenttiginiń tapsyrysy boıynsha júrgizilgen jyl saıynǵy áleýmettanýshylyq zertteýlerdiń nátıjeleri osyndaı boldy», - delingen agenttik málimetinde.
Ekonomıkalyq yntymaqtastyq jáne damý uıymynyń (EYDU) ólshemderi eskeriletin qarjylyq saýattylyq ındeksin esepteý ádisnamasy mynadaı úsh kórsetkishti taldaýdy qamtıdy: menshikti qarjy qarajatyn basqarý, qarjylyq kórsetiletin qyzmetterdi paıdalaný jáne halyqtyń qarjy júıesi týraly habardar bolý deńgeıi.
2021 jyly neǵurlym joǵary kórsetkish «Menshikti qarjy qarajatyn basqarý» kórsetkishinde – 42,57%; neǵurlym tómen kórsetkish – «Qarjy júıesi týraly habardar bolý» kórsetkishinde – 35,45% bolyp tirkeldi. Bul rette bir jylda osy kórsetkish 16 tarmaqtan astam ósti (2020 jyly ol 19,3%-dy qurady).
«2020 jylǵy 28%-dan 2021 jyly 39,2%-ǵa deıin óz qarjysyn basqarý týraly, qarjy júıesi, quraldar men qyzmetter týraly jetkilikti aqparat pen bilimi bar qazaqstandyqtardyń sany ulǵaıdy. Bul rette, qarjylyq turǵydan neǵurlym habardar qala turǵyndary, negizinen er adamdar. Sonymen qatar, «Qarjylyq qyzmetterdi paıdalana bilý» kórsetkishi 40,56%-dy qurady», - dep atalyp ótken habarlamada.
Aıta keteıik, 2021 jyly zertteýge 10 000 respondenttiń qatysqan. Olardyń ishinde 18 jastan 29 jasqa deıingi (23,08%), 30 jastan 49 jasqa deıingi (62,32%), 50 jastan 63 jasqa deıingi (12,32%), sondaı-aq 63 jastan asqan (2,28%) áıelder (58,8%) de, er adamdar da (41,2%) bar.
Saýalnama Nur-Sultan, Almaty men Shymkent sııaqty respýblıkalyq mańyzy bar 3 qalada jáne Qazaqstannyń 14 óńirinde júrgizildi.
Kásibı qyzmeti turǵysynan alǵanda bıýdjettik uıymdardyń qyzmetkerleri (7,5%), ózin-ózi jumyspen qamtyǵandar (8,1%), jeke kompanııalardyń qyzmetkerleri (7,2%), dara kásipkerler (6,4%), stýdentter (1,9%), zeınetkerler (1,8%), ýaqytsha jumys istemeıtinder (0,68%), basqa da mamandyq ókilderi (64,2%) sııaqty toptardan jaýap alyndy.
Respondentterdiń otbasylyq jaǵdaılary mynadaı boldy: 62,28%-y úılengen/turmys qurǵandar, 26,24% – úılenbegen/turmys qurmaǵandar, 8,4% – ajyrasqandar, 1,6% – áıeli/kúıeýi qaıtys bolǵandar, 1,4% – azamattyq nekede turatyndar.
