Elimizde karantınge baılanysty 830 myńǵa jýyq bıznes jumysyn toqtatqan

NUR-SULTAN. QazAqparat - Kásipkerler infokazakhstan.kz saıtyna kirý arqyly ruqsattama alyp, jumysyn bastaýǵa múmkindik alady. Bul týraly Ortalyq kommýnıkatsııalar qyzmetinde ótken Qazaqstanda karantındik sharalardy kezeń-kezeńmen jeńildetý týraly onlaın brıfıngte aıtyldy, dep habarlaıdy QazAqparat tilshisi.

«Keshe Úkimet basshysynyń basqarýymen memlekettik komıssııanyń jumysy bolyp ótti. Onda qabyldanǵan eń basty sheshim - karantındik sharalardy jumsartý týraly boldy», - deıdi Atameken Ulttyq kásipkerler palatasy basqarma tóraǵasynyń birinshi orynbasary Eldar Jumaǵazıev.

Onyń aıtýynsha, 830 myńǵa jýyq bıznes osy kúnge deıin jumys istemeı turdy.

«Bul shamamen 1,3 mln adamǵa qatysty. Qabyldanǵan sharalarǵa baılanysty 17 tamyzdan bastap kóp bıznes túri jumys isteýge múmkindik alady. Kásipkerler jumysqa shyqqannan keıin qandaı jumys algorıtmi talap etiledi, osy týraly úsh aptaǵa jýyq bıznestiń daıarlyq assotsıatsııalarymen talqyladyq. 3-4 kúnde sheshim qabyldandy. Eń bastysy - «Atameken» UKP qoldaýymen infokazakhstan.kz saıty iske qosyldy. Jumysqa shyǵatyn kásipkerler osy saıtqa tirkelip, ruqsatnamasyn alyp, jumys isteýge múmkindigi bar», - deıdi ol.