Elimizde qańtar-tamyz aralyǵynda bólshek saýda kólemi 2,8 paıyzǵa joǵarylady
ASTANA. QazAqparat - 2015 jylǵy qańtar-tamyzda bólshek saýda kólemi ótken jylǵy tıisti kezeńmen salystyrǵanda 2,8 paıyzǵa joǵarylap 3 877,2 mlrd. teńgege jetti. Al esepti kezeńde saýda kásiporyndary arqyly taýarlardy ótkizý kólemi 2014 jylǵy qantar-tamyzda qaraǵanda 2 052,8 mlrd. teńgeni qurady nemese naqty máni 0,3 paıyzǵa tómendegen.
Ulttyq ekonomıka mınıstrligi Statıstıka komıtetiniń málimetterine qaraǵanda, 2015 jylǵy qańtar-tamyzda bazarlarmen jáne jeke kásipkerlermen saýda kólemi ótken jyldyń tıisti kezeńimen salystyrǵanda naqty máni 6,6 paıyzǵa joǵarylaǵan. Atalǵan ótkizý arnasynyń úlesi bólshek saýdanyń jalpy kóleminde 47,1 paıyzdy qurap otyr.
Bólshek saýda qurylymynda azyq-túlik emes taýarlar basym bolyp, bul bólshek saýdanyń jalpy kólemine 64,6 paıyzǵa teń kelgen. Al azyq-túlik emes taýarlardyń bólshek saýdada ótkizilýi ótken jyldyń tıisti kezeńimen salystyrǵanda 2,8 paıyzǵa ósip, azyq-túlik taýarlar 2,3 paıyzǵa ulǵaıdy. «2015 jylǵy 1 qyrkúıekke bólshek saýdadaǵy saýdamen aınalysatyn kásiporyndardyń taýarlyq qorlarynyń kólemi 304,8 mlrd. teńgeni qurasa, saýdadaǵy kúnderi - 54 kún. Sonymen qatar, bólshek saýdanyń jalpy kólemindegi asa joǵary úles salmaqty 2015 jyly qańtar-tamyzda respýblıkada Almaty qalasy (28 paıyz), Astana qalasy (10,7 paıyz) jáne Qaraǵandy oblysy (9,4 paıyz) quraǵan», delingen baspasóz baıanynda.
