Elimizde qańtar oqıǵasyn zertteıtin qoǵamdyq komıssııa quryldy
Aıman Omarovanyń aıtýynsha, komıssııa quramyna belgili quqyq qorǵaýshylar, qylmystyq is júrgizý quqyǵy boıynsha mamandanǵan zańgerler kirdi.
«Biz táýelsiz qoǵamdyq komıssııamyz. Eki myńnan astam qylmystyq is bar. Komıssııa tek jábirlenýshilerdi, polıtsııany, soqqyǵa jyǵylǵandardy ǵana tekserip, zerttemeıdi. Qazaqstanda nege osyndaı qandy oqıǵa boldy? Osyǵan basa nazar aýdaramyz. Túgel zertteımiz. Komıssııa quramynda qorǵaýshylar bolady, olardyń barlyǵy tájirıbeli, qylmystyq isti qaraıtyn qorǵaýshylar. Komıssııa músheleriniń tizimi bar. Biraq, olardyń kim ekenin qaýipsizdik úshin jarııalamaımyz», - deıdi ol.
Sonymen qatar, Aıman Omarova jappaı tártipsizdikti óz kózimen kórgenin aıtty.
«Besinshi qańtar kúni sol jerde men boldym. Túsirgen vıdeo da bar. Ol jerde eshqandaı da beıbit sherý bolǵan joq. Men olardy kórdim. Túri qazaq sııaqty, biraq qazaqsha da, oryssha da sóılemeıdi. Keıbir jigitterdiń tiliniń dıalektisi bar. Eger meniń qolyma qupııa aqparat tússe, ony tergeý barysynda aıta almaımyn. Baspasóz máslıhatyn ótkizip turamyz. Ózim áleýmettik jeli arqyly tikeleı efırge shyǵyp otyramyn», - dedi Aıman Omarova.
