Elimizde qańtar men aqpan aıynyń aralyǵynda ónerkásip ónimderiniń quny 3651,9 mlrd. teńgeni qurady

Atalmysh kórsetkish ótken jyldyń sáıkes merzimimen salystyrǵanda 11,8 paıyzǵa kóp, dep habarlaıdy QazAqparat.

Indýstrııa jáne jańa tehnologııalar mınıstrliginiń málimetteri boıynsha, taý-ken óndirisindegi barlyq salalar boıynsha ósim 7,5 paıyzdy qurady. Olardyń arasynda eń úlken ósim temir kenderin óndirýmen baılanysty boldy. Naqtyraq aıtqanda, atalmysh sala boıynsha ósim 127,4 paıyz. Al qaıta óńdeý ónerkásibinde óndirilgen ónim ındeksi 120,4 paıyzǵa ósti. Olardyń arasynda eń úlken ósim mashına qurylysy salasynda boldy. Ósim - 197,4 paıyz. Sondaı-aq ónerkásip - 169 paıyzǵa, munaıdy qaıta óńdeý 125,7 paıyzǵa artty.

Aımaqtar boıynsha alatyn bolsaq, ónerkásip óniminiń ósimi elimizdiń barlyq óńirlerinde baıqaldy. Olardyń arasynda Pavlodar oblysynda ósim - 40,7 paıyzdy, Qostanaı oblysynda - 40,2 paıyzdy, Ońtústik Qazaqstan oblysynda 32,4 paıyzdy qurap, atalmysh aımaqtar eń úzdik úshtiktiń qataryna endi. Al Almaty oblysy 25 paıyz ósimmen, sondaı-aq Atyraý 21,9 paıyz ósimmen alǵashqy úshtikten keıingi oryndarda tur.