Elimizde qańtar-aqpan aılarynda altyn óndirisi 5% ósti

ASTANA. QazAqparat - 2019 jyldyń qańtar-aqpan aılarynda Qazaqstanda óńdelmegen jáne jartylaı óńdelgen ne bolmasa untaq túrindegi altyn óndirisiniń kólemi 14 315 kelini qurady. Bul 2018 jyldyń osy kezeńimen salystyrǵanda 5 paıyzǵa artyq, dep habarlaıdy QazAqparat tilshisi.

QR Ulttyq ekonomıka mınıstrligi Statıstıka komıtetiniń deregine sáıkes, esepti kezeńde óńdelmegen jáne jartylaı óńdelgen nemese untaq túrindegi kúmis óndirisiniń kólemi 128 576 kelige jetti. Bul ótken jylmen salystyrǵanda 15,1% az kórsetkish.

Óńdelmegen alıýmınıı, alıýmınıı totyǵy óndirisiniń kólemi 2018 jyldyń osy kezeńimen salystyrǵanda 11,8% paıyzǵa tómendep, 253 676 tonna boldy. Al óńdelmegen tazartylǵan qorǵasyn óndirisi 17,6 paıyzǵa azaıyp, 21 025 tonnany, óńdelmegen myrysh óndirisi 4 paıyzǵa kemip, 52 027 tonnany qurady. Óńdelmegen tazartylǵan, qospasyz mys óndirý kólemi 5,4 paıyzǵa ósip, 74 081 tonnaǵa jetti.

Ashat Ahmetbekov