Elimizde qansha JOO atom energııasy salasyndaǵy mamandardy daıarlaıdy

NUR-SULTAN. QazAqparat – Elimizde qansha Joǵary oqý oryny atom energııasy salasyndaǵy mamandardy daıarlaıdy? Parlament Senatynda depýtat Nurlan Qylyshbaevtyń bul suraǵyna Energetıka mınıstri Nurlan Noǵaev jaýap berdi, dep habarlaıdy QazAqparat tilshisi.

«Atom salasynyń kadrlarmen qamtamasyz etilýi qandaı jaǵdaıda?» - dedi senator atom energııasyn paıdalaný máselesi jaıly zań jobasy talqylanǵan otyrysta.

«Atom energııasy salasyndaǵy mamandardy elimizde 5 joǵary oqý oryny daıarlaıdy. Olar túlekterin atom energııasyn paıdalaný mekemelerine joldaıdy. Ol JOO-lar elordadaǵy L.Gýmılev atyndaǵy EUÝ men Almatydaǵy ál-Farabı atyndaǵy QazUÝ, S. Amanjolov atyndaǵy ShQMÝ men Semeı memlekettik ýnıversıteti, Almaty energetıka jáne baılanys ýnıversıteti. Ál-Farabı atyndaǵy QazUÝ-da Reseıdiń Dýbna qalasyndaǵy ýnıversıtetpen tájirıbe almasyp keledi. Sonymen qatar AQSh, Japonııa energetıka agenttikterinde mamandarymyzdyń biliktiligin arttyrý máselesi iske asady», - dedi Nurlan Noǵaev.