Elimizde qansha volonter bar

ASTANA. QazAqparat – Aqparat jáne qoǵamdyq damý vıtse-mınıstri Danııar Qadirov Astanadaǵy beıbitshilik jáne kelisim saraıynda ótip jatqan Halyqaralyq volonterler forýmynyń kýlýarynda elimizde qansha volonter bar ekenin aıtty, dep habarlaıdy QazAqparat tilshisi.

«Elimizde volonterlik qyzmettiń damýyna úlken mán berilip jatyr. Keıingi úsh jylda elimizde volonterlerdiń sany úsh ese kóbeıdi. Mysaly, 2019 jyly volonterlik uıymdardyń sany 50-den astam bolsa, qazirgi tańda 680-ge jetip otyr.

Sonymen birge volonterdiń sany 2019 jyly 50 myń bolsa, qazir respýblıka boıynsha volonterler sany 200 myńnan asyp otyr», - dedi ol.

Vıtse-mınıstr byltyr qurylǵan Ortalyq Azııa volonterler habynyń qalaı jumys istep jatqanyna toqtaldy.

«Jyl boıy hab jumys istedi, Ortalyq Azııa elderiniń volonterleri osy habtyń mańyna toptasty. Bıyl kóptegen ózge elderden usynystar kelip túsip jatyr. Olar da osy habqa qosylǵysy keledi. Túrkııa men Ázerbaıjan da osy habqa qosylyp, tájirıbe almasqysy keledi. Búgingi forýmda osy másele de talqylanady. Keshe Astanada Halyaqarlyq volonterlik ortalyǵy ashyldy.

Ortalyq Azııa elderi volonterleriniń haby qazaqsha aıtqanda, asardyń rólin atqaryp otyr. Bir apat, zilzala bolsa, bizdiń volonterlerimiz halyqaralyq deńgeıdegi kómekti úılestirý úshin jumys isteıtin bolady. Bul baǵytta Qazaqstan Ortalyq Azııa boıynsha óte jaqsy alǵa jyljydy deýge bolady», - dedi Danııar Qadirov.