Elimizde qansha shetel azamaty koronavırýstan emdelip jatyr

NUR-SULTAN. QazAqparat - Koronavırýs tirkelgeli beri elimizdegi statsıonarlarǵa 21 sheteldik azamat tústi. Bul týraly QR bas memlekettik sanıtar dárigeri Aıjan Esmaǵambetova QR Densaýlyq saqtaý mınıstrliginiń medıa ortalyǵynda ótken tikeleı efırde aıtty, dep habarlaıdy QazAqparat tilshisi.

«Koronavırýs jaǵdaıy tirkelgeli elimizdegi statsıonarlarǵa 21 sheteldik azamat tústi. Onyń 14-i emdelip shyqty. Jeteýi qazir emdelip jatyr, onyń ekeýi - Nur-Sultan qalasynda, úsheýi - Atyraýda, bireýi - Qostanaı oblysynda jáne endi bireýi - Soltústik Qazaqstan oblysynda. Olardyń jaǵdaıy birqalypty», - deıdi QR Bas memlekettik sanıtar dárigeri Aıjan Esmaǵambetova.

QR Syrtqy ister mınıstrliginiń málimetinshe, 18 naýryzdan beri elimizge Reseıden 3 myńnan astam qazaqstandyq kelgen.

«Bul - stýdentter, vahtalyq ádispen jumys istegen adamdar», - deıdi Aıjan Esmaǵambetova.